வாழைப்பூவைக் கொண்டு செய்யப்படும் இந்த படோலி சாப்பிட மிகவும் சுவையாக இருக்கும். இதோ உங்களுக்கான செய்முறை...

என்ன தேவை?




வாழைப்பூ - 1
கடலைப்பருப்பு - 125 கிராம்
காய்ந்த மிளகாய் - 6
வெங்காயம் (பெரியது) - 2
கடுகு - சிறிதளவு
சீரகம் - 1 டீஸ்பூன்
உளுந்தம்பருப்பு - சிறிதளவு
பெருங்காயம் - 1 சிறியதுண்டு
மஞ்சள்பொடி - 1 சிட்டிகை
எண்ணெய் - 4 டேபிள் ஸ்பூன்
உப்பு - தேவையான அளவு

எப்படி செய்வது?

* வாழைப்பூவை சுத்தம் செய்து பொடியாக நறுக்கிக் கொள்ளவும்.

* கடலைப் பருப்பை ஊறவைத்து, உப்பு, காய்ந்த மிளகாய், பெருங்காயம், சீரகம், மஞ்சள் பொடி நறுக்கிய வாழைப்பூ சேர்த்து விழுதாக அரைத்துக் கொள்ளவும்.

* வெங்காயத்தைப் பொடியாக நறுக்கி, அரைத்த விழுதோடு கலந்து கொள்ளவும்.

* வாணலியில் எண்ணெய் விட்டுக் காய்ந்தவுடன், கடுகு, உளுந்தம்பருப்பைத் தாளித்து, அரைத்த விழுதைச் சேர்த்துச் சிறு தீயில் வதக்கவும். பத்து நிமிடங்கள் கழித்து இறக்கிவிடலாம்.