கணினி நெட்வொர்க்கிங் மற்றும் டிஜிட்டல் வீடியோ புரோசசிங் போன்ற எம்பெடெட் பயன்பாடுகளில் திறனை மேம்படுத்தவும் கணினி வடிவமைப்பில் தரவுப்பாதைகளை (Data Paths) அடைவதில் தாமதமும், ஏற்படும் தடைகளையும் நீக்க அகர்வாலின் டிலேரா நிறுவனம் புதிய புரோசஸர் வகையை கண்டுபிடித்துள்ளது.

டிலேரா ப்ராசஸர் 64-கோர் புரோசஸர் என்று அழைக்கப்படுகிறது. ஒரே சிப்பில் பெரிய அளவிலான சி புராகிராமில் தயாரிக்ககூடிய மைய மெமரிகளை ஐமெஷ் தொழில்நுட்ப முறையின் மூலம் இணைக்கிறது. இதனால் பல்வேறு கோர்களிடையே வினாடிக்கு 32 டெராபைட்கள் (Terabits) தகவல்களை கடத்தும் திறனுடையது. ஒரு டெராபைட் என்பது 1024 ஜிகா பைட்டுகள் என்பது குறிப்பிடத்தக்கது.

அதேபோல் இந்த நிறுவனத்தின் டைல்- 64 என்ற புரோசஸர் நெட்வொர்க்கிற்காக பிரத்யேகமாக தயாரிக்கப்பட்டுள்ளது. அதேபோல் வீடியோ ஸ்ட்ரீமிங் சர்வர்களுக்கும் இது மேலதிக திறன்களை வழங்குகிறது. அதாவது தற்போது உள்ள சிப்களை காட்டிலும் 10 மடங்கு அதிகத் திறன் கொண்டது இந்த புரோசஸர். இதில் முக்கியம் என்னவெனில் மின்சாரச் செலவு குறைவு என்பதே.

கலிபோர்னியாவில் உள்ள ஸ்டான்போர்ட் பல்கலைக் கழகத்தில் இது குறித்து திங்களன்று ஹாட் சிப்ஸ் என்ற மாநாடு ஒன்று நடைபெற்றது. அதில் இந்த அதி திறன் மைக்ரோ புரோசசர் குறித்து டிலேரா நிறுவன அதிகாரிகள் உரையாற்றினர்.

செமி கண்டக்டர்கள் துறையில்  பலமான தொழில் நுட்ப பின்னணி உள்ள நிறுவனங்களே சிறிய காலத்திற்கு ஜொலித்து பிறகு காணாமல் போய்விடுகின்றன. இந்நிலையில் இந்த நிறுவனம் கணினித்துறையின் மையப் பிரச்சனையான ஆமைவேக மற்றும் தடை ஏற்படுத்தும் தரவுப்பாதை என்பதை ஒழிக்க முனைந்துள்ளது.