இணையதளம் எதெற்கெல்லாம் பயன்படுகிறது என்று பார்த்தோமானால் நமக்கு ஆச்சரியமாக இருக்கும். நாம் பல பெண்களை கடைத் தெருவிலோ, ரயிலிலோ, பேருந்திலோ, கடற்கரையிலோ பார்க்கிறோம். திடீரென ஒரு நாள் அந்த பெண்கள் கூட்டத்தில் உங்களைக் கவர்ந்த கனவுக் கன்னி கண்களில் தட்டுப்பட்டு விடலாம்.

ஆனால் நீங்கள் சுதாரிக்கும் முன்பு அந்த உருவம் நம் கண்களிலிருந்து மறைந்துவிடும். பிறகு அந்த பெண்ணை அடுத்த முறை பார்ப்போமா பார்க்க மாட்டோமா என்று நமக்கு தெரியாது. பலரது வாழ்வில் அதுபோன்று கண்டதும் காதல் கண்டவுடனே முடிந்து போயுள்ளது.

ஆனால்... நியூயார்க் நகரில் 21 வயது வெப் டிசைனரான பேட்ரிக் மோபெர்க், நெரிசலான பாதாள ரயிலில் அழகான இளம் பெண் ஒருவரை கண்டார். தன் உருவத்தை நேசிக்கும் இளம் வெப் டிசைனரை அறியாது அந்தப் பெண் கண்டவுடன் மறைந்தாள். ஆனால் பேட்ரிக் தனது கனவுக் கன்னி அவள்தான் என்று முடிவு செய்து விட்டார். அந்த பெண்ணை தேடிக் கண்டுபிடிக்க முயன்று தோல்வியடைந்தார்.

அதனால் அவருக்கு ஒரு பிரமாதமான எண்ணம் உதித்தது. வெப் டிசைனரான அவர் இணையதளம் ஒன்றைத் துவங்கினார். அதாவது www.nygirlofmydreams.com என்ற இணையதளத்தை அவர் துவங்கினார்.

அதில் தனது கனவுக் கன்னியின் உருவத்தை அப்படியே வரைந்து வெளியிட்டார். நீல நிற ஆடையில் தலையில் சிகப்பு நிற மலர் ஒன்றை வைத்திருப்பது போன்ற படத்தை வரைந்து வெளியிட்டார் பேட்ரிக்.